Archive for mars 2015

Fylgifiskar

Ég fæ seint titilinn "Húsmóðir ársins" þótt ég sé alltaf að æfa mig :P 

Mér finnst líka matur frekar leiðinlegt fyrirbæri og elska þar af leiðandi skyndilausnir og safna aðferðum til að "svindla" í matargerð.

Í vikunni fékk ég eitt trix í safnið sem hentar mér ROSA vel !
Ég fór í Fylgifiska á Suðurlandsbraut og keypti Austurlenska fiskisúpu með kókos og kóríander og fisk til að setja útí (fékk líka leiðbeiningar um hvernig ég ætti að hita þetta) og töfraði svo fram dýrindis kvöldverð fyrir sambýlinginn minn sem var nýkominn heim úr ferðalagi :)

Niðurstaðan var hreint og beint frábær ! Við bragðbættum súpuna reyndar aðeins með salti, grænmetiskrafti og sweet chili sósu um leið og hún var hituð.


Súpa & sítrónuvatn - Snilldar blanda

Ég keypti 1L af súpu fyrir okkur tvö og reiknaði með að annað okkar gæti tekið afganginn með í nesti í vinnuna daginn eftir, en ó nei! hún var kláruð upp til agna. 

Fylgifiskar eru með þrjár súpur sem hægt er að "matreiða" svona. Þessa - Austurlenska fiskisúpu með kókos og kóríander, ítlaska fiskisúpu og svo rjómalagaða humarsúpu.

Ég hugsa að næst verði humarsúpan testuð, en ég mun klárlega kaupa þessa austurlensku aftur og mæli með henni ef ykkur langar að hafa auðveldan kvöldmat eitthvað kvöldið :)

Góða helgi !!



3 Comments »

Vor naglalökk

Það er sennilega ekki til betri leið til að detta í vor fíling en fréttirnar af því að Lóan sé komin til landsins og að vor sendingin af naglalökkunum sé komin á www.fotia.is

Ég get ekki annað sagt en að ég sé í valkvíða um hvaða lakk/lökk eigi að vera vor-lakkið mitt í ár, en ég get ekki gefnið mér of langan umhugsunarfrest í það ef ég ætla ekki að missa af þessu eina rétta!! Gæðin í þessu BarryM merki eru til þess fallin að allir verða ástfangnir sem prófa. Smá svona "einu sinni smakkað þú getur ekki hætt".  












Mana ykkur í að skoða úrvalið --> HÉR


No Comments »

Ferskur laugardagsmorgun

Á meðan sumir vakna þreyttir eða þunnir eftir RFF gærkvöldsins er það heldur betur langt frá því að vera tilfellið á þessum bæ! Eftir busy vinnuviku ákvað ég að fara í bólið (með skólabók sem svæfir strax) kl 22 í gærkvöldi og var þar af leiðandi vöknuð fresh kl 8 í morgun við "notalegan" storm á glugganum hjá mér.

Magnað hvað maður kemur miklu í verk þegar maður tekur daginn svona snemma!

Eitt af því sem ég kom í verk var að prófa dásamlegan þörungamaska frá Bláa lóninu sem ég var svo ótrúlega lánsöm að fá í gjöf frá bestavin í gær :)


Maskinn er ljós grænn þegar hann er kominn á húðina og inniheldur tvær sjaldgæfar tegundir þörunga sem vinna gegn öldrun húðarinnar, örva náttúrulega nýmyndun kollagens og viðhalda kollagensbúskapi hennar (sem ég veit reyndar ekki alveg hvað þýðir en er örugglegar rosa gott fyrir mig!) 

Mér finnst ég svo mjúk og fersk í húðinni eftir hann að ég tími eiginlega ekki að henda á mig make up! 

Með maskanum fylgja leiðbeiningar sem eru klárlega must fyrir manneskjur eins og mig sem eru ekki með húðumhirðu að náðargáfu. 

Svona maski er frábær gjöf ef ykkur vantar eitthvað handa þeim sem ykkur þikir vænt um <3

Góðar stundir.




1 Comment »

. . .

Á þessu heimili er reynt að gera gott úr ástandinu "Lokaverkefni".


Þetta endalausa skítaveður gerir það auðveldara, mann langar helst ekkert út úr húsi. 


1 Comment »

Batiste duft

Ég á stóran blogghring sem ég skoða stundum á hverjum degi, í bloggferðalagi mínu á dögunum rakst ég á þetta volum duft frá Bastiste og mig kitlar í puttana því mig langar svo að prófa !!
Ég hef verið að nota þurrshampoo frá þessu merki og er rosa glöð með gæðin sem ég fæ fyrir ótrúlega lítinn pening. Kaupi þurrshampoin frá þeim bara í Bónus um leið og ég versla í matinn (munar svakalegu í verði milli Bónus og Hagkaup á þessum vörum). 
Ég hef prófað heilan haug af þurrshampoo-um frá öðrum merkjum en enda einhvernvegin alltaf bara aftur í Batiste, litlausu. Hef líka prófað með lit sem er spes fyrir dökkt hár og til í tveim tónum og mér finnst það ekkert betra. Aðal galdurinn er bara að halda brúsanum lengra frá hárinu þegar maður spreyjar og þá virkar þetta hvíta/litlausa ljómandi vel.


En nóg um þurrshampo og áfram með volum duft....
Ég er með rosa þykkt hár og finnst það stundum verða flatt upp við hausinn þegar ég er með það slegið því það er svo þungt. Fyrir nokkrum árum kynntist ég volum duftinu frá Lanza og ofnotaði það þangað til stauturinn var búinn. 
Þetta virkar ss. þannig að þetta er hvítt duft (sem minnir á rassapúður fyrir börn) sem maður setur í hársvörðinn á sér og notar svo fingurgómana til að nudda því í og ýfa um leið rótina. Þetta virkar geðveikt vel og maður fær sjúklega fína lyftingu í rótina.... en er ekki alveg jafn gaman að fara í sturtu og þrífa þetta úr því þetta verður smá eins og leir í hársverðinum þegar hárið blotnar. 

Eftir Lanza ævintýrið ákvað ég að hvíla mig aðeins á duftinu og keypti mér pínu pínu lítið vöfflu járn sem á að gera sama gagn þegar ég vaffla aðeins rótina og set svo hár yfir svo engin sjái vöfflurnar (þótt ég nenni sjaldnast að nota það). 

En núna er mig virkilega farið að langa að fá mér nýtt duft og þetta Batiste væri alveg kjörið fyrir mig !! Næsta mál á dagskrá er bara að komast að því hvort þetta fáist á Íslandi :D
 (Ef ekki þá fæst þetta td. hér)


2 Comments »

Miðvikudagspepp !



Svoooooo satt !!

Við getum verið okkar verstu dómarar og óvinir stundum.
Höfum trú á sjálfum okkur og keyrum þetta í gang !

Áfram við :D

- B. 

2 Comments »

Mars - New in

Velkominn kæri mars !



Ég var að koma heim úr dásamlegri helgarferð til Stokkhólms. Það var nú ekkert mikið hlýrra þar en hérna á klakanum en engu að síður gott að brjóta aðeins upp hversdagsleikann og skella sér út (og losna við helvítis snjóinn!).

Það var ekki margt sem læddist með í ferðatöskuna á heimleiðinni, enda ferðin farin í öðrum tilgangi en að versla. En þessi fíni jakki (úr alltof þunnu efni) frá vinkonu minni henni Ginu Tricot fékk að koma með heim. Það var að vísu ekki til mynd af ljósa "camel" litnum sem ég valdi mér á heimasíðunni þeirra, en ég birti þessar í staðin.




Stundum er betra að eignast fáar en góðar flíkur og ég held að þessi kaup séu ein af þeim.

***

Ég er ekki frá því að ég sé farin að bíða óþreyjufull eftir vorinu (jakkinn er svo þunnur að ég sé ekki fyrir mér að geta notað hann sem annað en peysu á næstunni)

... en um leið vil ég ekki fá það strax því það þýðir bara eitt = Ég þarf að skila lokaverkefninu mínu ! Tveir mánuðir í skil, ég veit ekki hvort ég eigi að hlæja eða gráta :S


1 Comment »