DIY - prentaður kartöflu-koddi

Ég vafra reglulega á Pinterest og næli mér í góðar hugmyndir sem ég set oftar en ekki á "to do" listann. Það verður stundum úr því að ég framkvæmi eitthvað af to do listanum (sem er orðinn ansi langur) og það gerðist einmitt um helgina.

Undirbúningsvinnan fór í gang í síðustu viku þegar ég fór í A4 og keypti mér tvo fataliti. Litaúrvalið var mjög fínt þar og umbúðirnar voru allt frá pennum og upp í stóra dunka ! Ég gerði engan verðsamanburð við föndurbúðirnar í þetta skiptið svo það má vel vera að svona litir fáist ódýrari annarstaðar.

Ég valdi mér svartan og ákvað að fara aðeins út fyrir svart/hvítt/grátt sem virðast vera einkennis litir heimilisins og tók eina litla flösku af rauðum. Richard fékk að vera með í lita pælingunum og vildi grænan, en þar sem við eigum ekkert grænt og mér fannst það engan vegin passa inn tók ég rauðann og tel honum svo bara trú um að þetta sé grænn ;) (Hann er litblindur svo hann sér hvort sem er ekkert muninn á grænum og rauðum)

Stóri kostaði 895 kr og litli 795 kr.
Upphaflega ætlaði ég að kaupa efni og sauma koddaver og troða svo fóðri inní púðann eftirá. Það þróaðist hins vegar þannig þegar ég fann enga hannyrðabúð í Hafnarfirði  þar sem ég var stödd í missioni með mömmu fyrir þetta verkefni svo við brunuðum í IKEA í leit að efni. Þegar þangað var komið rak ég augun á plain einlit koddaver sem kostðuðu ekki mikið og kodda til setja inní svo ég ákvað að spara mér vinnuna við saumaskapinn og tók bara tvö hvít sem mér leyst vel á.


Það voru til samskonar koddaver td. í svörtu, rauðu, grænu ofl litum.
Og eins fleiri stærðir af innri púðum svo möguleikarnir eru margir !


Næst lá leiðin út í Bónus að kaupa grill-kartöflur !

Valdi passlega stórar hlussur
Ég hafði prentað út nokkrar týpur af þríhyrningum og plúsum/krossum og valdi svo þá sem mér fannst passa best á kartöflurnar og koddaverin.


Ég skar kartöfluna svo það var slétt hlið á henni og kom skapalóninu fyrir, hún var svo safarík að myndin límdist föst.


Strikaði í kartöfluna með skrúfblýanti (mætti nota hníf) og skar svo út eftir strikunum.


Setti fatalitinn á pappadiska til að hafa þetta sem snyrtilegast og málaði á kartöfluna með pensli.


Svo byrjaði ég að stimpla


Í fyrstu ætlaði ég að nota reglustiku og mæla út hvar hver kross ætti að vera, en hætti svo við að hafa þetta fullkomið og ákvað að hafa þetta skemmtilega skakkt og persónulegt :D 

Ég leyfði koddaverunum svo að þorna yfir nótt áður en ég straujaði litinn fastann í. (Mamma gaf mér tips að nota bökunarpappír á milli svo liturinn brenni ekki fastur við straujárnið).



Svo var ekkert eftir en að troða púðunum inn í verin !


Ég er bara mjög sátt með útkomuna.

...það sem fór úrskeiðis við verkið var að þegar ég stimplaði fór mánling í gegnum verin svo bakhliðin stimplaðist smá líka. Mæli með því að setja pappa/blað/bökunarpappír inní verin til að það gerist síður ef þið leikið þetta eftir :D

Þetta gæti verið sniðug jólagjöf fyrir ömmu&afa sem eiga allt, láta barnabörnin stimpla eða teikna á koddaver :)

Það sem þarf til að framkvæma þetta verkefni er: fatalitur, kartafla, koddaver, hnífur, skapalón, pensill, (pappa)diskur bökunarpappír og straujárn. Einnig er gott að hafa eldhúspappír og jafnvel eyrnapinna við hendina :D


This entry was posted on sunnudagur, 27. júlí 2014 and is filed under , . You can follow any responses to this entry through the RSS 2.0 . You can leave a response .

One Response to “ DIY - prentaður kartöflu-koddi ”

  1. þér hefur heldur betur tekist betur en mér þarna um daginn:) snillingur - svakalega flott hjá þér:)
    kv, auður

    SvaraEyða