Ragnhildardóttir

Ég hef löngum verið seinþroska þegar kemur að snyrtivörum. Það eru samt nokkur ár síðan ég áttaði mig á því að ég gæti ekki haldið lífinu áfram án þess að eignast hyljarann frá Make up store! Ég hef gert nokkrar misheppnaðar tilraunir til að fjárfesta í honum en án árangurs, ástæðurnar eru mismunandi en það tókst LOKSINS í þessum fjölmörgu ferðum mínum í Kringluna og Smáralind undanfarið, þessi endalausu frí fara með mig og veskið mitt :S Læt plata mig ferð eftir ferð í þessar verslunarmiðstöðvar og fer yfirleitt með eitthvað með mér út.

Ég hef séð endalausar bloggfærslur um þennan dásemdar hyljara og fékk loksins tækifæri til að prófa sjálf. Niðurstaðan: Ég mun aldrei aftur kaupa mér eitthvað ódýrt hyljara rusl! Þessi er dásamlegur, ég er eiginlega ekki að trúa því enn hvað hann er sjúklega góður. ...helsti samanburðurinn minn er samt við ódýrann hyljara úr Zebra cosmetics á Laugavegi sem ég keypti mér sem millibilsástand frá því að Body shop hyljarinn kláraðist.

 

 

Ef ykkur langar að prófa snilld, þá mæli ég með þessum !

ps. tek það fram að Make up store sponsar ekki þessa færslu á neinn hátt ;) Ég er bara hinn almenni kúnni.